24 Feb, 01:07

શું ખબર... ?

પાંજરે પુરાય રેહવાનિયે એક મજા હશે..
કે જિંદગી આખી ઉડતા રેહવું...ક્યારેક તો સજા હશે!!

બહારની દુનિયા એ આમ તો મધુરી હશે
પણ હુંફાળા એક ખૂણે કૈક તો માયા બંધાણી હશે.. !

હિંમતનું કાઠું કાઢવા દિવસની રેલમછેલ છોગાળી હશે..
સંવેદનાના પાને અંધારી ભીતે અંઢેલાય રેહવાની કોક તો ખેવના નિરાળી હશે ..!!

પૂછી ને કહું તો મગજ માં ધસમસ્તતા વિચારો નું ટોળું હશે..
પણ આમ કશેક, મનના કોક ખૂણે , શાંત ચિત્તનું સામ્રાજ્ય હશે...!

------------------------------
પાંજરું :
પશુ પક્ષીને પૂરી રાખવા બનાવેલું સળિયાનું ઘર (૨) તેવો કોઈપણ ઘાટ (૩) પાંજરી (૪) અદાલતમાં ન્યાયાધીશ સામે જવાબ આપવા ઊભા રહેવાની પાંજરા જેવી જગા

માયા :
દયા; દાઝ; લાગણી; કરુણા; અનુકંપા; કૃપા.

કાઠું કાઢવું :
શરીરની ઊંચાઈ લેવી, ઊંચા વધવું. શરીર બંધાવું; જુવાની આવવી.

રેલમછેલ:
પુષ્કળતા.

છોગાળું :
(માથે પાઘડીમાં) છોગાવાળું. (૨) (લા.) છેલછબીલું, વરણાગિયું

અંધારી:
અંધારાવાળી; અજવાળા વિનાની. જેમકે, અંધારી રાત.

ખેવના:
ગરજ, પરવા, દરકાર. (૨) કાળજી, ચાનક
કાળજી; ચાનક; સંભાળ
આદત; ટેવ.
આવશ્યક્તા; જરૂરિયાત.

નિરાળુ :
અલગ; જુદું; નોખું; અનોખું; ન્યારું. જુદું પડી ગયેલું,
નિર્જન; એકાંત.
વિલક્ષણ; અદ્ભુત.

ચિત્ત:
અંત:કરણ, હૃદય, મન. (૨) (લા.) લક્ષ, ધ્યાન
ઇરાદો; કાળજી; ધ્યાન.
વિચારેલું; ઇચ્છેલું.
ખાલી; શૂન્ય.

સામ્રાજ્ય:
સમુદ્રપર્યંત ફેલાયેલું રાજ્ય.

 એની જોડે મિત્રતા મળી હોત તોયે મન મનાવી લીધું હોત...
પણ કઈ જ સંબોધવાનો સંબંધ નથી... એ મૌન હવે પજવે છે.

તાર જ છેડવાની વાત હોત તો છંછેડવાની ભુલ કરી લીધી હોત.. :)
પણ કઈ જ સુર પોરવવાના રહ્યા નહિ.. એ મૌન હવે ઝરપે છે..


-----------
meaning..
મન મનાવવું
: સમઝવું કે સમઝાવવું. (૨) સંતોષ વ્યકત કરવો.

સંબોધવું :
હાકોટવું; ઉદેશીને બોલવું; સામને બોધ થાય એમ બોલવું; કહેવું.; ઉદ્દેશીને બોલવું (૨) સમજાવવું

પજવવું:
સતાવવું, હેરાન કરવું ; ત્રાસ આપવો; રંજાડવું; કનડવું; સંતાપવું.રિબાવવું; દુ:ખ દેવું.

છંછેડવું
: ચીડવવું; સળી કરવી ; ઉશ્કેરવું. ખીજવવું; ચીડે ભરાય તેમ કરવું; ગુસ્સે કરવું; ચીડવવ

સૂર પુરાવવો
: હાએ હા ભણવી, ટેકો આપવો

ઝરપવુ
: ટપકવું, ચૂવું, ઝમવું. (૨) વિકસવું, ખીલવું, ઊઘડવું. (૩) પીગળવું, ઓગળી જવું ;ઝરીને બહાર નીકળવું; ટપકવું; ઝમવું; ધીમેધીમે ઝરવું; ઝરીને એકઠું થવું.